Maqola
O‘zbekistonda tatib ko‘rish kerak bo‘lgan mashhur taomlar
Sen 04, 2026
•
O'qish vaqti: 5 min
O‘zbekiston nafaqat qadimiy shaharlari va Ipak yo‘li tarixi, balki mazali va xilma-xil milliy taomlari bilan ham mashhur. Har bir viloyat va shahar o‘ziga xos taomlari bilan ajralib turadi.
Agar O‘zbekistonga sayohat qilsangiz, quyidagi taomlarni albatta tatib ko‘ring.
🍜 Lag‘mon — qo‘lda cho‘zilgan noodle
Lag‘mon — qo‘lda cho‘zilgan xamirli noodle, go‘sht va turli sabzavotlardan tayyorlanadigan taom. Sho‘rvali yoki qovurilgan shaklda berilishi mumkin.
Qayerda tatib ko‘rish kerak?
📍 Toshkent
📍 Samarqand
🥟 Somsa — tandirdan chiqqan issiq lazzat
Somsa — go‘sht, piyoz, kartoshka yoki qovoq solib tayyorlanadigan va ko‘pincha tandirda pishiriladigan mashhur taom. Ayniqsa, tandirdan yangi uzilgan issiq somsaning ta’mi o‘zgacha.
Qayerda tatib ko‘rish kerak?
📍 Jizzax — mashhur Jizzax somsasi
📍 Toshkent — bozorlarda va somsa markazlarida
🍢 Shashlik — ko‘mirda pishirilgan kabob
Shashlik — go‘sht bo‘laklari yoki qiymadan tayyorlanib, sixga terilgan va ko‘mirda pishiriladigan taom. Odatda piyoz va yangi sabzavotlar bilan tortiladi.
Har bir shaharda shashlikning o‘ziga xos tayyorlanish usulini uchratish mumkin.
Qayerda tatib ko‘rish kerak?
📍 Buxoro - G`ijduvon shashlik
🥚 Tuxum barak — Xorazmning o‘ziga xos taomi
Tuxum barak — yupqa xamir ichiga tuxum, sut, sariyog‘ va ziravorlardan tayyorlangan masalliq solib tugiladigan taom. Qaynatib pishiriladi va ko‘pincha qatiq yoki qaymoq bilan tortiladi. Bu Xorazm oshxonasining eng o‘ziga xos taomlaridan biridir.
Qayerda tatib ko‘rish kerak?
📍 Xiva va Xorazm viloyati
🥬 Shivit oshi — Xivaning yashil lag‘mon
Shivit oshi — shivit damlamasi bilan tayyorlanadigan yashil rangdagi qo‘lda tayyorlangan lag‘mon. U go‘sht va sabzavotli qayla hamda qatiq bilan tortiladi. Ayniqsa yoz faslida mashhur.
Xivaga borgan turistlar uchun bu albatta tatib ko‘rish kerak bo‘lgan taomlardan biri.
Qayerda tatib ko‘rish kerak?
📍 Xiva
🥩 Ijjon — qadimiy Xorazm taomi
Ijjon — Xivaga xos, juda noodatiy an’anaviy taom. U mayda qiymalangan go‘sht, piyoz, tuz, yog‘ va boshqa masalliqlar asosida tayyorlanadi. Taomning o‘ziga xosligi — go‘shtning pishirilmasdan tayyorlanishidadir.
Qayerda tatib ko‘rish kerak?
📍 Xiva va Xorazm viloyati
Eslatma: xom go‘shtli taom bo‘lgani sababli, uni faqat ishonchli va sanitariya talablariga rioya qiladigan joyda tatib ko‘rish tavsiya etiladi.
🥟 Manti — bug‘da pishiriladigan xamir taom
Manti — yupqa xamir ichiga go‘sht va piyoz solib, maxsus bug‘donda pishiriladigan taom. Mantini go`shtli, kartoshkali, qovoqli turlari mavjud. Odatda qatiq yoki qaymoq bilan iste’mol qilinadi.
Qayerda tatib ko‘rish kerak?
📍 Toshkent
📍 Samarqand
📍 Buxoro
🍲 Sho‘rva — issiq va to‘yimli an’anaviy taom
Sho‘rva — go‘sht, kartoshka, sabzi, piyoz va boshqa sabzavotlar bilan tayyorlanadigan to‘yimli taom. Ayniqsa sovuq kunlarda juda yaxshi tanlov.
Qayerda tatib ko‘rish kerak?
📍 Samarqand
📍 Toshkent
📍 Buxoro
🍚 Palov — O‘zbekistonning milliy taomi
Osh yoki palov — guruch, go‘sht, sabzi, piyoz va ziravorlardan qozonda tayyorlanadigan O‘zbekistonning eng mashhur taomlaridan biri. Turli hududlarda oshni tayyorlash usuli va ta’mi biroz farq qiladi.
Qayerda tatib ko‘rish kerak?
📍 Toshkent — mashhur osh markazlarida
📍 Samarqand — o‘ziga xos Samarqand zig`ir oshi
O'xshash maqolalar
Barcha maqolalar
